2022 წლის განმავლობაში დამოუკიდებელი საქართველოს ისტორიაში ყველაზე დიდი მიგრაციული ტალღა იყო – ოფიციალური მონაცემებით, გასულ წელს ქვეყანაში რუსეთის 62 ათასი; უკრაინის 21 ათასი და ბელარუსის 13 ათასი მოქალაქე ემიგრირდა.
მიგრაციულ ტალღას მათ მიერ ქართულ ბანკებში დეპოზიტების ზრდა მოჰყვა. ეროვნული ბანკის წლიური ანგარიშიდან ირკვევა, რომ უცხოელთა შორის საქართველოში ყველაზე მეტი დეპოზიტი რუსეთის მოქალაქეებს აქვთ გახსნილი. თუკი 2021 წლის დეკემბერში რუსეთის მოქალაქეები ქართულ ბანკებში 567 მილიონ დოლარს ინახავდნენ, 2022 წლის დეკემბერში ეს რიცხვი 2.42 მილიარდ ლარამდე გაიზარდა, რაც 327%-იანი მატებაა.
მთლიანობაში უცხოეთის მოქალაქეები ქართულ ბანკებში 6.55 მილიარდი ლარის დეპოზიტებს ინახავენ, საიდანაც 37% რუსეთის მოქალაქეთა კუთვნილი თანხებია. ამასთან, 2022 წელს ეს სადეპოზიტო პორტფელი 2.5 მილიარდი ლარით გაიზარდა.
ამ 6.55 მილიარდი ლარიდან უკრაინის მოქალაქეების დეპოზიტები 393 მილიონი ლარია, ბელარუსის მოქალაქეთა დეპოზიტები კი 196 მილიონი ლარი იყო.
ბანკებს შორის უცხოეთის მოქალაქეთა დეპოზიტების ⅔ საქართველოს ბანკსა და თიბისი ბანკზე მოდის.
რაც შეეხება მთლიანად ფიზიკური პირების სადეპოზიტო პორტფელს, ის 23.2 მილიარდ ლარს შეადგენს, შესაბამისად მასში უცხოეთის მოქალაქეთა დეპოზიტებს 28%-იანი წილი უჭირავს.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…